اواجه الشخص يلي جرحني ولا اتركه بحاله؟

بتصيبنا كثير انه ننجرح من شخص ونعلق بدوامة اذا نواجهه او لأ, اذا نفرجيه غلطه او لأ.

 حتى مرات منقرر نقطع العلاقة فورًا وبس يصير عنا اثبات لغلطه منصير نتحيّر ارجع افرجيه الاثبات ولا لأ؟ 

طيب منين نابعة هاي الحيرة؟ ولي بدنا نواجه الانسان بغلطه؟ ووينتى اواجه ووينتى لأ! بهذا الميل رح نجاوب على كل هاي الاسئلة خليكو مكملين

الحيرة نابعة من مصدر واحد بس وقسم منكو ممكن ينكر لكن لا داعي للانكار محداش شايفك ولا عارف: السبب هو يمكن هذا الانسان بعده بهمك! وحتى لو انت حاسس غير هيك. 

طيب لي بدنا ياتو يشوف غلطه ويندم؟ الاسباب كثير منها: 

1. انا شخص عنده رغبة يكون معه الحق دايمًا 

2. بدي ادافع عن نفسي قباله لاني بتقبلش حدا يشوفني بشكل عاطل او يقول عني عاطل 

3. لاني لما بفرجيه غلطه هيك انا برفع من قيمتي وبقلل من قيمته (انا الافضل لانك انت غلطت بلا ما تعتبرني ولا تقدرني! وكأني انا افضل واحسن منه) 

4. لاني لما بواجه باخذ حقي

   وبعد مليان اسباب ممكن تكون لابسة قناع, بس السبب الاساسي مخبى عميق عميق وبده مدرب او معالج يفحص الوضع (انا مدربة فممكن تتوجهلي) 

طيب شو اوريانا, اواجه ولا ما اواجه؟ 

السؤال البسيط هو: هل بعد ما تواجه هل رح تحب تسامح وتنسى وترجعو المي لمجاريها؟ اذا الجواب دغري كان نعم فعليك بالمواجهة (وهاي بدها فن وتدريب وانا بقدر اساعدك) واذا الجواب دغري كان لأ معناه ارجع حل بينك وبين نفسك سبب رغبتك بالمواجهة. (بحكيلكو سر عني: انا كان عندي مرة السبب الرابع وبس رجعت آمن بصدق انه الله موجود والحق عنده تنازلت عن رغبتي باخذان حقي عشان يعني بلا مؤاخذة حقي من مين؟ وبشو؟) 

شاركني شو وضعك انت؟